.png)
Zhvillime të reja në hetimin e vrasjes së ambasadorit italian Luca Attanasio në Republikën Demokratike të Kongos. Pothuajse një vit pas pritës në të cilën humbi jetën së bashku me eskortën e tij, karabinierin Vittorio Iacovacci dhe shoferin Mustafa Milambo, policia e Kivu-së së Veriut njoftoi arrestimin e atentatorëve të dyshuar të diplomatit, i cili u vra më 22 shkurt 2021.
#RDC: Au Nord-Kivu, la police affirme avoir mis la main sur les présumés assassins de l'ambassadeur Italien Lucas Atanasio
— Stanis Bujakera Tshiamala (@StanysBujakera) January 18, 2022
(Reportage) pic.twitter.com/CO6NDBQgHC
Të ulur në tokë, të prangosur dhe të rrethuar nga agjentë të armatosur, 6 burra u treguan nga komandanti i policisë së provincës lindore të vendit, Aba Van Ang, si anëtarë të “grupeve kriminale që kanë përgjakur zonën e Gomës”.
Mes tyre, “dyshohet se është edhe grupi që sulmoi autokolonën e ambasadorit”, tha gjenerali Konstant Ndima Kogba. Ai që ka qëlluar ndaj ambasadorit italian, thuhet se ka qenë kreu i bandës së grabitësve, i cili quhet “Aspirant”, por “është ende në arrati”, shtoi Aba Van Ang.
“Por ne e dimë se ku është dhe shpresojmë ta gjejmë”. Gjithashtu sipas komandantit të policisë lokale, i cili nuk dha detaje mbi rrethanat e arrestimeve, grupi ka dashur të rrëmbejë ambasadorin dhe më pas të kërkojë një milion dollarë shpërblim.
#RDC🇨🇩Assassinat de l'ambassadeur italien, les kidnappeurs voulaient avoir 1 millions de dollars comme rançon en échange de #Luca Attanasio @YesicaFisch pic.twitter.com/qKmsZfqR1D
— Justin KABUMBA (@kabumba_justin) January 18, 2022
Por kur “Aspiranti” qëlloi ambasadorin që u largua me vrap, duke e vrarë, planet e tyre dështuan. Të arrestuarit e tjerë janë pjesë e dy grupeve, të quajtur Bahari dhe Balume, përgjegjës për disa vrasje dhe sulme me qëllim grabitjeje.
Në kohën e pritës, Luca Attanasio ishte në një mision jashtë Gomës me Programin Botëror të Ushqimit të Kombeve të Bashkuara, i cili supozohej të garantonte sigurinë e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje