.png)
Moti i ftohtë ka goditur të gjithë vendin dhe në pjesën më të madhe të territorit pati edhe reshje dëbore. Verilindja dhe juglindja kanë qenë më problematike.
Ditën e sotme Autoriteti Rrugor Shqiptar bën me dije se të gjitha rrugët e qarkut të Kukësit janë të kalueshme normalisht. Në Bashkinë e Kukësit është e bllokuar rruga në drejtim të Njësisë Administrative Arrën.
Rrugët në Njësisë Administrative Kalis dhe Grykë Çajë janë të kalueshme, por me vështirësi.
Për rrugët e Zapodit po punohet për hapjen e lidhjen e fshatrave ndërmjet tyre. Në Kukës-Shishtavec rruga po pastrohet dhe hidhet kripë nga mjetet e Bashkisë Kukës.
Po ashtu, ARRSH sqaron se po punohet për zhbllokimin e të gjitha akseve edhe në Tropojë e Has. Furnizimi me energji elektrike është normal në të gjithë qarkun.
Ditët e para të janarit 2019 u shoqëruan me reshje dëbore në Korçë, Gjirokastër, Dibër, Kukës, Tropojë e të tjera qytete të vendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje