.png)
Covid-i ka prishur planet e përgatitjeve para kampionatit për Arsenalin. Për shkak se disa futbollistë kanë rezultuar pozitivë, klubit londinez i është dashur të anulojë turneun në Shtetet e Bashkuara të Amerikës, ku do të luante disa miqësore për “Kupën Florida”, e para në program më 25 korrik ndaj Interit.
Sipas sitit anglez “The Athletic”, Arsenali ka pasur disa raste të infiktimit nga Covid-19 dhe nuk mund të udhëtojë drejt Amerikës. “Topçinjtë” duhej të luanin ndaj kampionëve të Italisë të dielën dhe pastaj ndaj Milionarios ose Evertonit, por të dyja këto ndeshje janë humbur tashmë.
Në këtë situatë emergjence, organizatorët e “Kupës Florida” duhet të gjejnë sa më shpejt një skuadër tjetër për të zëvendësuar Arsenalin, ku tashmë është ngritur alarmi. Starti i Premier Ligës po afron (13 gusht) dhe kjo situatë nuk është aspak e mirë për skuadrën londineze.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje