.png)
Dominik Szoboszlai është një emër shumë i vështirë për t’u shqiptuar, por futbolldashësit shqiptarë do të kenë mundësinë ta mësojnë. Ai është lojtari më i mirë i Hungarisë, që është në të njëjtin grup me Shqipërinë në kualifikueset e Botërorit “Katar 2022”. Dhe është pikërisht Hungaria rivali direkt i Shqipërisë, sipas mendimit të shumë specialistëve të futbollit.
Mesfushori që ka luajtur deri tani me Salcburgun, ka firmosur me Lajpcigun në Gjermani. Kontrata e tij është deri në vitin 2025, kështu që klube të mëdha, si Milani, Napoli, apo edhe Real Madridi, që e kishin ndjekur deri tani, duhet të shohin pista të tjera. Futbollisti hungarez ka paguar 20 milionë euro te Salcburgu, që gjithashtu ka mbajtur edhe 20% të vlerës së kartonit.
Szoboszlai ishte ndër emrat e parë që u përfol te Milani në kohën kur diskutohej që te kuqezinjtë do të vinte gjermani Ralf Rangnik, i cili do të kishte një rol të dyfishtë, trajner dhe drejtor sportiv. Ajo pistë u sfumua dhe tashmë sfumohet edhe pista e yllit hungarez, të cilin do të kemi shansin të shohim në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje