.png)
Taulant Balla gjeti momentin në Kuvend t’i adresonte një ftesë publike homologut të tij Gazment Bardhi që të uleshin për emrin e ri të Avokatit të Popullit sa kohe në Kuvend po shqyrtohej raporti vjetor i këtij organi. Nëse gjendet konsensusi, Balla tha se Avokati i Popullit mund të kalojë edhe këtë sesion parlamentar.
“Kemi para nesh 15 kandidatë të cilët sipas komisionit të ligjeve plotësojnë kriteret ligjore. Mendoj se brenda asaj liste kemi mundësinë të gjejmë një nga ta që do të jetë Avokati i Popullit. Në këtë frymë mendoj se për këto 4 seanca i kemi të gjitha mundësitë që të zgjedhim Avokatin e Popullit. Avokati i Popullit nuk mund të jetë avokat i PD-së, jo një figurë e spikatur brenda PD-së në 4 vitet e fundit.
Unë mendoj dhe i propozoj kryetarit të grupit të PD-së Bardhit të ulemi gjatë javës së ardhshme bashkë me Bushkën, me Çupin në mënyrë që të bëjmë një verifikim të kandidaturave që kemi përballë para nesh që të shkojmë drejt një grupi që ka 3-4 kandidatura që mund të jenë kandidaturat që marrin më shumë konsensus. Ky është një model që duhet konsoliduar. Keni të drejtën që të propozoni për as tradita e as Kushtetuta nuk u ka thënë se keni të drejtë që ta emëroni…” tha Balla.
Lista e kandidatëve për Avokatin e Popullit:
1. Ahmet Premçi
2. Alket Jaupi
3. Besim Ndregjoni
4. Bledar Dervishaj
5. Dardan Mustafaj
6. Drita Avdyli
7. Edison Frangu
8. Endri Papajorgji
9. Erald Aga
10. Ilir Rusmali
11. Lefterie Lleshi
12. Robert Gajda
13. Sokol Hazizaj
14. Tartar Bazaj
15. Vitore Tusha
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje