.png)
Si përfaqësues u mazhorancës aktuale dhe shumicës parlamentare të Kuvendit të kaluar që shkarkoi Presidentin Ilir Meta, Taulant Balla mbrojti vendimin para Gjykatës Kushtetuese duke akuzuar Metën se cenoi rëndë imazhin e Presidentit si të paanshëm dhe mbi palët, duke u përfshirë në aktivitete politike.
“Mbështeti forca të tjera politike, nxiti dhunë dhe sulmoi institucionet kushtetuese. Vënia në lëvizje e shkarkimit të Presidentit është e thjesht: Presidenti duhet të jetë mbi palët, por Meta mori pjesë aktive në zgjedhje”, tha Balla.
Sipas kreut të socialistëve në Parlament, procedura e shkarkimit është e domosdoshme për të siguruar që askush nuk është mbi ligjin. Balla tha se me këtë procedurë, Kuvendi nuk synon të ndëshkojë institucionin, por personin që kreu shkeljet.
“Kuvendi nuk synon të ndëshkojë presidentin apo pozicionin, por personin që kreu shkeljen. A mundet ta për përfaqësojë unitetin e popullit një president shfaqet palë, nxit dhunë, ndikoi në vendimmarrjen e institucioneve, sulmoi Gjykatën Kushtetuese. Kushtetuta parashikon që Presidenti të përfaqësojë unitetin e popullit”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje