.png)
Ndërsa korriku ishte shumë i nxehtë në pjesët jugore dhe juglindore të kontinentit evropian, muaji gusht ka nisur me nxehtësi ekstreme këtë javë dhe që parashikohet të rritet gjatë fundjavës.
Temperatura të larta janë shënuar në Italinë jugore, Greqi dhe Turqi, si dhe vendet përreth Shqipëri, Maqedoni e Veriut, Kosovë, Serbi jugore dhe Bullgari.
Por rekordin nga vendet e Ballkanit pritet ta arrijë Greqia nga e hëna deri të enjten me temperatura më të larta se normale me rreth 15 ° C.
Greqia, një pjesë të Bullgarisë dhe Turqia perëndimore, mund të kenë temperatura që mund të kapin nivelet 47 gradë, të cilat pritet të shënohen ditën e hënë dhe të martë.
Përveç situatës tejet të vështirë nga temperaturat e larta, një pjesë e madhe e këtyre vendeve janë goditur nga zjarret, të cilët kanë shkatërruar mijëra shtëpi dhe u kanë marrë jetën dhjetëra personave.
Larisa, kryeqyteti i rajonit të Thesalisë, është shpesh zona më e ngrohtë në Greqi gjatë verës dhe kështu do të jetë gjatë kësaj vale të nxehti. Qyteti ka rekordin zyrtar më të lartë të temperaturës prej +45.4 ° C, të vendosur në verën e vitit 2000.
Një anomali e dukshme e rëndësishme e temperaturës shihet mbi Greqi. Vala e të nxehtit ka shumë të ngjarë të vazhdojë gjatë pjesës më të madhe të javës së parë të gushtit, apo edhe më tej.
Kërcënimet e vazhdueshme të rrezikshme nga zjarri në Greqi, Turqi dhe Itali, që gjithashtu do të rriten, janë shumë të larta dhe kushtet e erës pritet të vazhdojnë deri në javën e parë të muajit të fundit të verës 2021.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje