.png)
Lulzim Basha vizitoi punëtorët e stacionit të pompimit në Poçem të Fierit, të cilët ndodhen në ditën e tetë të grevës së urisë, si formë proteste ndaj pagave të prapambetura.
Basha u siguroi mbështetje pa kushte, ndërsa thotë se ata janë viktima të Edi Ramës.
“Mbështetje pa kusht për punëtorët dhe kërkesat e tyre! Ata janë tradhëtuar, dhe keqtrajtuar nga qeveria. Viktimat e Edi Rames janë njerëzit e thjeshtë, qytetarët e ndershëm shqiptarë që luftojnë për mbijetesë dhe një jetë normale”, deklaroi ai.
Kreu i PD-së u premtoi punëtorëve se do të jetë zëri dhe mbështetja e tyre.
“Beteja juaj është beteja e çdo shqiptari, ne do të na keni në krah deri në plotësimin e kërkesave tuaja të drejta. Ju jap fjalën se do ti zhbëj të gjitha padrejtësitë ndaj jush”, u shpreh ai.
Punëtorët e stacionit të pompimit në Poçem hynë në grevë urie pasi kanë 27 paga të prapambetura të pamarra ende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje