.png)
Kreu i Partisë Demokratike, Lulzim Basha ka reaguar pas arrestimeve dhe procedimeve të policisë në lidhje me protestën e opozitës, të mbajtur dje.
Nëpërmjet një postimi në rrjetin social Facebook, Basha shkruan se “nuk ka procedim që ndal PD-në dhe qytetarët për të përmbushur misionin që Shqipëria të bëhet si e gjithë Europa”. Ai shprehet se për kryeministrin Edi Rama ka nisur numërimi mbrapsh.
“Përdorimi i militantëve dhe ushtarëve të krimit në Polici për të goditur qytetarët dhe kundërshtarin politik është tipari më i qartë i këtij regjimi kriminal: Edi Rama ka ardhur në pushtet me ndihmën e bandave dhe ka zgjedhur të jetë me bandat kundër popullit”, thotë kreu i PD-së.
Basha shkruan se është i vendosur të mbrojë me “çdo mjet të drejtën për të protestuar, të cilën Shqipëria e fitoi pas 46 vitesh të diktaturës më të përgjakshme në Europë”.
“Numërimi mbrapsht për Edi Ramën dhe bandën në pushtet ka nisur!”, përfundon ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje