.png)
Kryetari i Partisë Demokratike, Lulzim Basha zhvilloi një takim me mësues nga qytete të ndryshme të Shqipërisë, lidhur me situatën e pandemisë në vend.
Nga ana e tij, Basha tha se Partia Demokratike prej javësh ka përsëritur thirrjen për testim masiv dhe të vazhdueshëm për mësuesit, si masë primare për parandalimin e infektimit në institucionet arsimore.
Kjo masë, sipas tij, si dhe pajisja e tyre e përditshme me maska, higjienizues dhe dezinfektim periodik të ambienteve mësimore, duhet të ishin marrë qysh prej fillimit të vitit shkollor.
Kryedemokrati përsëriti premtimin se qeveria e re e dalë nga 25 prilli, do të rrisë buxhetin vjetor për arsimin, duke synuar rrogën minimale 700 euro për mësuesit.
“Me planin tonë, gjëja e parë që do të bëjmë, është që niveli i financimit për arsimin në tërësi, duke përfshirë arsimin parauniversitar në veçanti, do të jetë jo më pak se në vendet e rajonit dhe do të synojë si përqindje të buxhetit, përqindjen e buxhetit si Bashkimi Europian. Qëllimi i përqasjes tonë do të jetë që brenda 4-vjeçarit tonë të parë, rroga minimale e arsimtarit shqiptar të jetë 700 euro në muaj, minimalja”, tha Basha
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje