.png)
Lulzim Basha ka sjellë të dhënat e publikuara nga Zyra Europiane e Azilit për të deklaruar se shqiptarët vazhdojnë të jenë ndër popujt e parë në rajon dhe botë që duan të braktisin vendin e tyre.
Basha thotë se arsyeja e kësaj është korrupsioni i qeverisë “Rama” dhe se zgjedhjet e 25 prillit nuk zgjidhën gjë.
“Me përjashtim të një lufte civile, një nga arsyet madhore pse njerëzit largohen nga vendi i tyre është korrupsioni. Rritja e aplikimeve për azil në vendet e BE-së dëshmon edhe njëherë se masakra e 25 prillit nuk zgjidhi asgjë për shqiptarët”, shkruan kreu i PD.
Si zgjidhje, Lulzim Basha thotë se ka vetëm një rrugë.
“Fundi i kësaj katastrofe kombëtare, kërkon një përballje frontale me korrupsionin, duke thyer bashkëpunimin mes politikës, krimit dhe oligarkisë, që ka shkërmoqur demokracinë dhe po mbyt të ardhmen e Shqipërisë duke e bërë të pajetueshme për familjet shqiptare”, thotë ai.
Të dhënat e Zyrës Europiane të Azilit tregojnë një rritje të fortë të kërkesave për azil nga shtetasit shqiptarë në vendet e BE-së gjatë muajit gusht, duke tejkaluar edhe të dhënat e para pandemisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje