.png)
Pas protestës së 16 marsit para Kryeministrisë, kreu i Partisë Demokratike, Lulzim Basha, është shprehur se protestat do të vijojnë deri në largimin e qeverisë Rama.
Kreu i PD, i pyetur nga mediat për vendimin e Kolegjit të kryetarëve, tha se protestat do të fuqizohen nga dita në ditë derisa të arrihen zgjedhjet e lira dhe të ndershme.
“Do t’ju informojmë për çdo datë dhe për çdo zhvillim. Vendimi i Kryesisë është në fuqi, këto janë takime organizative. Protestat do të vazhdojnë dhe do të fuqizohen nga dita në ditë, nga java në javë, derisa të realizojmë atë që do çdo shqiptar. Zgjedhje të lira e të ndershme, një qeveri nga populli, për popullin dhe të popullit”, u shpreh kryedemokrati Basha.
Ende nuk ka një datë të përcaktuar se kur do të jetë protesta e radhës. Më 21 mars Kuvendi do të mbajë seancë plenare. Më herët, opozita ka deklaruar se do të protestojë para Kuvendit çdo herë që do të ketë seancë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje