.png)
Në zgjedhjet 14 majit, Sali Berisha do të shkojë me të njëjtën skemë si në zgjedhjet e 6 marsit.
Ai ka depozituar dokumentet në KQZ si koalicion duke përfshire edhe veten si kryetar i PD-së. Koalicioni quhet “Bashkë Fitojmë” dhe shkronjat nistore të koalicionit do të jenë “BF”
I vëtedijshëm se Berisha nuk do të pranohet nisur nga vendimi i Ilirjan Celibashit, në krye të këtij koalicioni është vendosur të jetë Ilir Meta me Partinë e Lirisë. Koalicioni përfshin PD, PL, PDK dhe PBDNJ.
Në fund të shqyrtimit, koalicioni do të shkojë me regjistrimin e tre partive të tjera (pa PD) konform rregullave që ka parashikuar Kodi Zgjedhor, e njëjta skeme që u ndoq edhe në zgjedhjet e pjesshme lokale.
Koalicioni do të përfaqësohet me emrat e kandidatëve të primareve për bashkitë ndërsa për këshillat bashkiakë në dokumentin e depozituar thuhet se ndarja do të bëhet në përputhje me marrëveshjet dy palëshe mes partive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje