.png)
Koalicioni “Bashkë Fitojmë” në Vlorë ka denoncuar me anë të përfaqësuesit Armando Cakrani, shkeljen e ligjit në shumë qendra votimi ku po përdoren listat e zgjedhësve edhe pse pajisja elektronike e identifikimit nuk është provuar nëse punon.
Armando Cakrani nga shtabi i kandidatit Hysni Sharra, u shpreh se PS-në e ka zënë paniku në qytet dhe për këtë kërkon të ndërhyjë me listat e votuesve.
“Partia Socialiste duke qenë në panikun e humbjes së thellë është duke prishur procesin zgjedhor. Procesi në pjesën më të madhe të qendrave po zhvillohet në shkelje të kodit zgjedhor. Sipas urdhrit të KQZ-së, vetëm në rast se pajisja PEI nuk punon pasi provohet disa herë, atëherë identifikimi bëhet përmes listës së zgjedhësve që merret nga zarfi. Nga provat që kemi deri tani, pamje filmike, fotografime në disa qendra të qytetit të Vlorës, shkelja e ligjit po bëhet në disa qendra votimi. Qëllimi i vetëm është paniku që i ka zënë duke kërkuar që të nxjerrin listat e votimit nga kutitë për të bërë më pas patronazhimin, për të sjellë në votim të gjithë personat që kanë në dorë. Kjo nuk ka për të ndodhur. Qytetarët e Vlorës do të votojnë të lirë. Thirrja jonë është që të gjithë të shkojnë për të votuar”, tha Cakrani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje