.png)
Në Bruksel do të zhvillohet ditën e hënë Konferenca e Donatorëve “Bashkë për Shqipërinë”, ku në fokus do të jetë tërmeti i 26 nëntorit të 2019-ës. Një ngjarje tragjike, ku humbën jetën 51 persona dhe pati dëme të mëdha në ndërtesa, që kapin shifrën e 1 miliard eurove.
Sipas “BalkanWeb”, Konferenca do të hapet nga Presidentja e Komisionit të Europës, Ursula Von der Leyen, Kryeministri i Shqipërisë Edi Rama dhe presidenti i Këshillit Europian, Charles Michel, në orën 14:30.
Komisioneri për Menaxhimin e Krizave në BE, Janez Lenarcic do të bëjë më pas një prezantim për reagimin fillestar të emergjencës dhe për vlerësimin e nevojave pas tërmetit. Në orën 16:30 është programuar të nisë seanca e donatorëve, që do të hapet dhe do të mbyllet nga komisioneri Oliver Varhelyi. Në orën 18:45 pritet të ketë një konferencë nga Presidentja e KE-së, Ursula Von der Leyen, dhe Kryeministri i Shqipërisë, Edi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje