.png)
Në Angli vihet bast për gjithçka. Bastvënësit anglezë janë gjithmonë duke punuar dhe kush dëshiron të vërë bast, i ka gati parashikimet e tyre. Sipas të përditshmes spanjolle “As”, portali i basteve “Star Spreads” ka bërë një analizë të detajuar të sezonit të ardhshëm të Premier League. Dhe ka arritur në konkluzionin se Ole Gunar Solskjaer do të jetë trajneri i parë që do të shkarkohet nga detyra në Premier League.
Kampionati anglez nis më 9 gusht dhe bastvënësit kanë analizuar me shumë hollësi tendencën dhe precedentët e sezoneve të fundit për të kuptuar lëvizjet në stolat e skuadrave pjesëmarrëse. Sipas kësaj analize, ka shumë mundësi që trajneri norvegjez të shkarkohet në muajin nëntor. Ka 21% mundësi të ndodhë kështu, ndërsa përqindja që trajneri Solskjaer të largohet nga detyra para kohe llogaritet me 46%. Arsyet? Problemet e Mançester Junajtid në këtë moment dhe fushata e blerjeve aspak efiçente.
Në klasifikimin e trajnerëve me më shumë mundësi shkarkimi nga detyra, pas Solskjaerit vijnë Hodgson i Kristal Palasit me 40%, Smith i Aston Vilaës me 38%, Uilder i Shefilld Junajtid me 36%, Farke i Noruiç Sitit me 34% dhe Poter i Brajtonit me 24%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje