.png)
Çështja e zgjerimit dhe kuadri negociues me Shqipërinë dhe Maqedoninë e Veriut është hequr fare nga agjenda e mbledhjes së të martës të ministrave të Jashtëm të Bashkimit Europian.
Në faqen zyrtare të Këshillit Europian është njoftuar shkurtimisht se diskutimet do të përqëndrohen tek pandemia dhe nevoja për forcimin e koordinimit të vendeve të BE-së, negociatat e shkëputjes së Britanisë së Madhe, ndryshimet klimatike, siguria dhe marrëdhëniet me jashtë.
Pika e fundit e rendit të ditës do të jetë për çështje të tjera jashtë këtij rendi, ku do të diskutohet shkurtimisht për jo më shumë se 40 minuta. Këtu mund të ceket tërthorazi çështja e negociatave dhe zgjerimi në tërësi.
Agjenda nënkupton se Presidenca gjermane nuk ja ka dalë mbanë që të bindë Bullgarinë nga qëndrimi kundër miratimit të kuadrit negociues me Maqedoninë e Veriut.
Mbledhja e ministrave të Jashtëm të Bashkimit Europian, që mbahet të martën i paraprin samitit të 10-11 dhjetorit të udhëheqësve të unionit. Agjenda e këtij samiti varet thelbësisht nga vendimmarrja e mbledhjes së Ministrave të Jashtëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje