.png)
Ekzekutivi i Bashkimit Europian ka njoftuar zyrtarisht të enjten se ka ndërmarrë veprime ligjore kundër Hungarisë dhe Polonisë për diskriminim të komunitetit LGBTI.
Komisioni Europian tha se veprimet e tij kundër Hungarisë i kundërpërgjigjen një ligji të ri, që i ndalon shkollat të përdorin materiale që konsiderohen si promovuese të homoseksualitetit.
Veprimet kundër Polonisë, ndërkaq, lidhen me vendimin e disa rajoneve dhe komunave për ta shpallur veten “zona të lira nga ideologjitë e LGBTI-së”.
“Komisioni po fillon procedura për shkelje kundër Hungarisë dhe Polonisë, që lidhen me barazinë dhe mbrojtjen e të drejtave themelore”.
“Dy shtetet anëtare kanë dy muaj kohë për t’u përgjigjur argumenteve të paraqitura nga Komisioni”, tha KE-ja, duke paralajmëruar se dy vendet mund të referohen edhe në Gjykatën e Drejtësisë të Bashkimit Europian. Në Hungari, ligji, i cili nga shumë vende të BE-së është konsideruar si sulm mbi të drejtat e komunitetit LGBTI, ka shkaktuar protesta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje