.png)
Presidenti i Republikës, Bajram Begaj, zhvilloi të mërkurën një takim me kryetarin e Bashkisë së Shkodrës, Bardh Spahia i propozuar në zgjedhjet e pjesshme lokale nga PD e Rithemelimit. Më shumë sesa takimi, Begaj ka synuar të përcjellë nje mesazh për mënyrën se si forcat kryesore politike bashkëveprojnë me njëra tjetrën në një qytet që njihet si bastion i demokratëve.
Begaj zhvilloi një takim me kryetarin e Bashkisë ku e pranishme ishte edhe kryetarja e këshillit bashkiak e propozuar nga PS, Briseda Kadija.
“Takim shumë i mirë me Kryetarin e Bashkisë së Shkodrës z. Bardh Spahia si dhe kryetaren e Këshillit Bashkiak, znj. Brisela Kadija. Vlerësoj bashkëpunimin politik në nivel lokal, një mesazh i shkëlqyer i bashkimit të forcave për të mirën e komunitetit dhe zhvillimin e qytetit”, shkruan Presidenti Begaj në Twitter.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje