.png)
Kandidati i Partisë Demokratike për Bashkinë e Tiranës, Roland Bejko zhvilloi një takim me banorët e Laprakës, ku i pranishëm ishte edhe kryetari i komanduar, Enkelejd Alibeaj.
“Qyteti ynë nuk merr frymë, ndërsa po vjen vera të merr tmerri nga fakti që s’do kesh ujë të pijshëm, ujë për t’u larë, gatuar, që s’do kesh ku t’i shpëtosh zhurmës dhe pluhurit, s’do kesh ku të çosh fëmijët të luajnë e sdo kesh gjë tjetër veçse të ikësh nga qyteti, pra larg tij. Shumica e njerëzve i refuzuan ata të tre, Ramën, Berishën dhe Metën, dhe i refuzuan edhe çirakët e tyre që kandidojnë, Erion Veliajn dhe Belind Këlliçin. Ne do e fitojmë besimin e tyre natyrisht dhe për këtë do përpiqemi çdo ditë, që të marrim në dorë fatin e qytetit për të bërë Tiranën të jetueshme, njerëzore dhe për t’i dhënë saj frymëmarrje. Me qëllim që t’i japim frymëmarrje biznesit të vogël, të mesëm dhe të madh”, tha Bejko.Më tej ai u ndal tek programi për Tiranën.
“T’i japim frymëmarrje arsimit, kulturës, dijes. Të ndërtojmë shkolla, kopshte, çerdhe. T’i japim frymëmarrje duke lehtësuar trafikun. T’i japim frymëmarrje duke zhvilluar bujqësinë në fshat, duke ndërtuar 250 km rrugë që i mungojnë fshatrave rreth Tiranës dhe duke i nxjerr prodhimet e tyre në treg. Në tregun që ne duam ta ndërtojmë në pesë pika në hyrje të Tiranës, pra në ato që ne i kemi quajtur pika policentrike. Ne duam t’i japim frymëmarrje Tiranës edhe duke ruajtur trashigiminë kombëtare duke trashëguar gjithçka të mirë që ka ky qytet me qëllim që ta bëjmë të shitshëm në tregun ndërkombëtar, pra turizmi. Ne duam t’iu japim frymëmarrje njerëzve të lirë të qytetit të Tiranës dhe ta shpëtojmë nga kthetrat e oligarkisë financiare, nga kthetrat e oligarkisë politike dhe nga kthetrat e krimit të organizuar që në Tiranë ka pastruar në këto dy vite jo më pak se 1.6 mld euro. Ne duam ta shpëtojmë Tiranën nga betonizimi dhe t’i japim frymëmarrje në hapësira publike në hapësira të gjelbërta. Ne duam të jetojmë dinjitoz në qytetin tonë. Më 14 maj ju ftoj të votoni numrin 6 kandidatin e PD, Roland Bejko dhe numrin 9 Partinë Demokratike”, tha Bejko. Edhe Enkelejd Alibeaj ftoi qytetarët që të mos votojnë më 14 maj për asnjë prej tre emrave në politikë, Sali Berisha, Ilir Meta e Edi Rama. Alibeaj tha ndër të tjera se, “Berisha ka 3 motive dhe nga të tre asnjeri nuk është ne interes të demokratëve. Së pari kërkon ta kthejë PD në një bunker antiamerikan për të mbrojtur nga veprimi i drejtesisë nga akuzat që i jane bërë nga aleatët tane te mëdhenj, amerikan dhe britanik që e kanë shpallur non grata, për minim të demokracisë dhe per korrupsion masiv. Kërkon një mburoje për tu mbrojtur nga këto akuza. Së dyti kërkon monopolin e opozitës, duke i dhënë oksigjen partisë së Edi Ramës sepse dhe pas 33 vitesh të Berishës dhe Metës bëjnë që te duket alternativë Edi Rama, provojmë që mos të jetë as Berisha dhe as Rama dje do të kuptoni që ky do jetë fundi i Edi Ramës…”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje