.png)
Ëndrra e boksierit Alban Beqiri është ndalur në gjysmëfinalen e Botërorit të Serbisë, ku ai ka pësuar humbjen e parë ndaj rusit Vadim Musaev. Megjithatë, arritja e Beqirit është e jastëzakonshme, ai i ka dhënë Shqipërisë medaljen e parë në historinë e boksit, medaljen e bronzit, që e kishte siguruar me kalimin në gjysmëfinale.
Beqiri humbi me pikë në këtë ndeshje, por duhet theksuar se kishte pësuar dëmtime para saj, që nuk e lanë të bënte paraqitjen e zakonshme në këtë Botëror.
Për të arritur në gjysmëfinale, Alban Beqiri kaloi katër raunde, duke i fituar të gjitha ndeshjet bindshëm me pikë. Boksieri i Kombëtares dhe Tiranës mundi me rezultatin 5-0 kundërshtarët nga Kenia dhe Lituania, si dhe 4-1 kundërshtarët nga Panamaja dhe Jordania.
Kjo ecuri fantastike e Beqirit në Botërorin e Beogradit është edhe një sinjal për ta kthyer vëmendjen nga boksi, ku kushtet stërvitore lënë ende për të dëshiruar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje