.png)
Sali Berisha u rikthehet foltoreve dhe këtë herë jo si pjesë e lëvizjes brenda partisë, por si hap përgatitor për protestën e 7 korrikut.
Foltoret do të organizohen në selinë e Partisë Demokratike, ku sipas njoftimit të shpërndarë për shtyp thuhet se “ideja është hapja ndaj shoqërisë”.
“Për herë të parë, të rinj e të reja, burra e gra, profesionistë dhe fermerë, njerëz nga të gjitha fushat e shoqërisë, do të hyjnë në seli për të shpallur shqetësimet e tyre personalisht, dhe jo nëpërmjet përfaqësuesve politikë. Partia Demokratike, në kontratën e re sociale me shoqërinë, fton të gjithë shqiptarët që duan të ngrenë zërin, të na bashkohen çdo ditë në foltoren e selisë dhe më 7 korrik në shesh”, thuhet në njoftim.
Në mbledhjen e Kryesisë të martën, Berisha u la porosi anëtarëve që të përshkallëzojnë të gjitha përpjekjet në kuadër të kësaj proteste, që sipas tij nuk është protestë politike, por që shpreh shqetësimet e shqiptarëve për rritjen e çmimeve dhe korrupsionin qeveritar.
Sipas Berishës, shqiptarët sot e kanë lakun në fyt nga çmimet e vendosura nga bordet komuniste, siç i quan dhe shton se ky lak vazhdon të ngushtohet. Slogani i protestës është “Shqipëria në rrezik”{.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje