.png)
Gazeta Si –Ish-kryeministri Sali Berisha ka pranuar se kandidatët që do të dalin nga primaret e organizuara nga Komisioni i Rithemelimit do të regjistrohen në siglën e një koalicioni përfshi edhe LSI.
I pyetur konkretisht për LSI-në nëse e ka mbyllur marrëveshjen me të, Berisha u përgjigj: “Absolutisht që mund të hyjmë nesër me ta në zgjedhje dhe e kam deklaruar. Negociata ka me të gjithë. Do jenë kandidatë aleancash tanët. Emri i koalicionit mund të jetë ‘Shtëpia e Lirisë’ apo emër tjetër, nuk është marrë vendimi…”
I ftuar në “Opinion”, Berisha pohoi se do të jetë pjesë e zgjedhjeve të pjesshme të 6 Marsit në disa nga bashkitë e vendit.
Ai tha se kandidatët do të përzgjidhen të dielën. Berisha tha se do të ketë kandidatë që do të habisin.
Deri më tani nga procesi i hapur nga komisioni i Rithemelimit janë zyrtarizuar kandidaturat për bashkinë e Lushnjës dhe Durrësit gjithsej 14 kandidatë që do të votohen të dielën nga baza e PD-së për një kandidat të vetëm për secilën nga bashkitë.
Janë në pritje ende kandidaturat për katër bashkitë e tjera.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje