.png)
Ish-kryeministri Sali Berisha ka folur për mediat pas daljes nga mbledhja e grupit parlamentar të PD në selinë blu ku u shpreh se Enkelejd Alibeaj pushoi së qeni kryetar i Grupit Parlamentar të PD në momentin kur sipas tij paditi partinë në gjykatë për llogari të qeverisë.
“Asnjë tolerancë. Pas vendimit të tij për të paditur PD-në për llogari të qeverisë në gjykatë, unë them se ai për mua pushon së qeni kryetar i grupit parlamentar”, tha Berisha.
Ai shtoi se padia e Alibeajt nuk ka asnjë bazë. Berisha tha se Alibeaj e konsideron veten kryetar të komanduar në PD, por nuk e njeh si të tillë.
“Padia nuk ka asnjë bazë. Është të mos pranosh një proces që sot nuk e kundërshton asnjë shqiptar. Nuk ka asnjë tagër sepse ai e konsideron veten kryetar të PD në një kohë kur ai nuk ka asnjë funksion të tillë”, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje