.png)
Gazeta Si – Në një takim me qytetarët në Kolonjë, ish-kryeministri Sali Berisha ka vijuar me akuzat ndaj kryeministrit Edi Rama për Ballkanin e Hapur.
Sipas ish-kryeministrit, me Ballkanin e Hapur synohet që Shqipëria ta bëhet pjesë e Jugosllavisë së vjetër.
Për këtë, Berisha akuzon Kryeministrin Edi Rama dhe presidentin serb Aleksandar Vuçiç.
“Ky po sillet si një pushtues i vërtetë me shqiptarët. Ndihet më afër me Vuçiçin se me Kurtin. Sepse Albin Kurtit nuk pranon Ballkanin e Hapur. Marrëdhëniet shqiptaro-serbe nuk mund të jenë kurrë të vërteta nëse ato nuk kalojnë nga Prishtina”.
Kreu i PD-së e quajti kryeministrin Edi Rama si “pushtues”, ndërsa vuri theksin te shpopullimi i vendit. Ndër të tjera, ish-kryeministri u kërkoi qytetarëve që të angazhohen.
Ai paralajmëroi se vendi është në rrezik për shkak të qeverisjes së korruptuar të kryeministrit Rama.
“Një vend që po shpopullohet me shpejtësi marramendëse. Vitin e kaluar kishim më shumë vdekje se lindje në vendin tonë. Ato do merren parasysh nga PD”, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje