.png)
Beteja e afërt brenda opozitës është për emrin e ri të Avokatit të Popullit që sipas të gjitha gjasave do të votohet të enjten.
Deputeti i PD-së, Agron Gjekmarkaj, thotë përmes një postimi në Facebook se emri i ri duhet të jetë një kontribut i përbashkët i opozitës, duke lënë të kuptohet për kompromise nga pjesë të opozitës me mazhorancën.
Gjekmarkaj vëren se Basha nuk ka tagër për ta caktuar atë, duke lënë të kuptohet se në fakt ish-kreu i PD-së e ka një emër në mendje, nisur edhe nga numrat brenda grupit që ai ka si mbështetje.
“Avokati i Popullit nuk duhet të jetë një pinjoll i diktaturës! Basha dhe pasuesit e tij të pakët nuk kanë tagër për ta caktuar atë. Deputetët e PD s’kanë arsye të bëhen pis për asgjë. Dorian Gjonmarkaj i mirë shkolluar në perëndim dhe familje historike i përmbush kushtet.
….dhe Erindës PD, as ajo e vulës nuk besoj ti ketë më asnjë borxh për punën që ka bërë.
Dëshirat e Bashës janë vetëm të atij dhe jo të shumicës së qytetarëve. Lulokracia duhet të ketë një fund!!!”, shkruan Gjekmarkaj.
19 kandidatë paraqiten platformat e tyre përmes një seancë dëgjimore të premten e javës së kaluar në Komisionin e Ligjeve. Në listë janë përfshirë nga ish-Drejtori i policisë së Shtetit, Ahmet Prençi, ish-ministri i Drejtësisë, Ilir Rusmali, ish-kryetarja e KQZ-së, Lefterie Luzi e deri ish-deputeti i PD-së, Sali Shehu. Në listë është përfshire edhe emri i Ledio Brahos një emër që gëzon mbështetje tek disas deputete të “Rithemelimit” ndërsa Basha dhe Alibeaj duket se po mbështetin me shumë jo zyrtarisht emrin e Ilir Rusmalit. Në bazë të një marrëveshje të kahershme mazhorancë-opozitë, Avokati i Popullit zgjidhet gjithnjë nga opozita.
Kandidaturat për Avokatin e Popullit:
1.Ahmet Prençi
2.Altin Goxhaj
3. Besim Ndregjoni
4.Bledar Dervishaj
5.Boriana Nikolla
6.Brikena Kasmi
7.Dorian Gjomarkaj
8.Drita Avdyli
9.Endri Papajorgji
10.Ermir Kapedani
11.Erinda Ballanca
12.Evis Fico
13.Ilirjan Rusmali
14.Jordan Daci
15.Jorida Rustemi
16.Laureta Roshi
17.Ledio Braho
18.Lefterije Luzi
19.Sali Shehu
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje