.png)
Gazeta Si – Për të majtën e Partisë Demokratike nuk mjafton, për të djathtën është një gabim i dukshëm. Një lehtësim i madh për miliona amerikanë.
Pas muajsh arsyetimi, studimesh, mendimesh të dyta, Joe Biden ka mbajtur besimin me premtimin e tij zgjedhor për të lehtësuar kreditë e tyre në universitete.
Dhjetë mijë dollarë kredi të falura për individët që fitojnë nën 125 mijë dollarë në vit (250 mijë për familjet), 20 mijë për përfituesit e Granteve Pell, të krijuara për më pak të pasurit (vlerësohet se do të përfitojnë 27 milionë njerëz).
Janë 45 milionë amerikanë, mbi supet e të cilëve peshon një borxh total prej 1.6 trilionë dollarë.
Një e pesta i detyrohet më pak se dhjetë mijë. Biden njoftoi gjithashtu se pauza e pagesave, e cila filloi me Covidin në mars 2020, do të zgjatet sërish deri në fund të vitit.
Duke folur nga Shtëpia e Bardhë pas rikthimit nga shtëpia e plazhit në Delaware, Biden tha: “E gjithë kjo do të thotë që njerëzit më në fund mund të fillojnë të dalin nga ai mal me borxhe… Ata më në fund mund të mendojnë për blerjen e një shtëpie, krijimin e një familjeje ose nisjen e një biznesi. Dhe, ndër të tjera, kur kjo ndodh, nga kjo përfiton e gjithë ekonomia”.
Gëzim i madh nga ana e atyre që kanë luftuar gjithmonë për këtë çështje, duke filluar nga Senatorja Elizabeth Warren, por shumë skepticizëm edhe mes demokratëve të shquar, si ish-ministri i Thesarit (me Clinton dhe kreu i Këshillit Ekonomik Kombëtar me Obamën) Larry Summers, i shqetësuar për rritjen e inflacionit.
Në këtë rast, familjet do të kenë më shumë para për të shpenzuar (në fund të fundit, inflacioni është shqetësimi i tij, ai kishte parashikuar se do të ngrihej në qiell shumë kohë përpara se të ndodhte).
Sipas Summers dhe shumë atyre që mendojnë si ai, lëvizja e Biden është një rishpërndarje e pasurisë, e cila megjithatë nuk i ndihmon më të varfrit: moratoriumi në veçanti, “shpërblen ndër të tjera kirurgët, avokatët dhe bankierët e investimeve me paga shumë të larta”.
Por nga elektorati më i ri, mbështetjen e të cilit presidenti demokrat po e humbiste, lehtësimi është i madh.
Para njoftimit në rrjetet sociale, qarkulloi shumë ky postim në Twitter: “Personalisht, nëse Biden anulon qoftë edhe vetëm dhjetë mijë dollarë borxhin tim studentor, unë do të var një foto të tij në dhomën e ndenjes siç bën një gjyshe italiane me atë të Papës”.
Të tjerët, megjithatë, nuk ngrenë dolli, madje edhe nëse nga pozicione të kundërta – sepse do të donin masa shumë më të qarta – ata pajtohen me Summers.
Sipas kritikëve nga e majta, të cilët kërkonin një “zbritje” prej të paktën 50,000 dollarësh, masa nuk ndihmon mjaft zezakët, pakicat dhe më të varfrit, ata që kanë vështirësi më të mëdha me shlyerjen e borxhit.
Sipas “Brookings Institution”, katër vjet pas diplomimit, studentët me ngjyrë kanë një mesatare prej 25,000 dollarësh më shumë se bashkëmoshatarët e tyre të bardhë.
Republikanët janë të indinjuar, sipas të cilëve kjo vlen për ata që e kanë shlyer borxhin ose ata që nuk e kanë kontraktuar kurrë për të paguar për “fëmijët e të tjerëve”.
Sipas Senatorit republikan të Nebraskës, Ben Sasse, plani “i detyron punonjësit me jakë blu, të subvencionojnë studentët e diplomuar me jakë të bardhë. Në vend që të kërkojë llogari nga një sektor i arsimit të lartë që nuk funksionon dhe që shtyn kaq shumë të rinj amerikanë të marrin shumë hua, plani i njëanshëm i administratës emërton një sistem që nuk funksionon”.
Sa i përket kostos së qeverisë, sipas një vlerësimi të Penn Wharton, ajo do të jetë rreth 300 miliardë dollarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje