.png)
Gazeta Si – Joe Biden lë të hapur mundësinë e përdorimit të armëve nukleare në “rrethana ekstreme”. Nën presionin e aleatëve, presidenti i Shteteve të Bashkuara të Amerikës ka përqafuar kështu sërish qasjen tradicionale amerikane, duke tradhtuar premtimin e tij elektoral kundër sulmeve nukleare.
Tani, me një zgjedhje të kujdesshme të fjalëve, Shtëpia e Bardhë ka folur për një “rol thelbësor” të arsenalit nuklear, duke e lënë të hapur portën për mundësinë e përdorimit në “rrethana ekstreme”, si parandalim për armët konvencionale, biologjike dhe kimike.
Sipas burimeve të administratës amerikane, të cituara nga “Wall Street Journal”, ky ndryshim nuk e zvogëlon objektivin afatgjatë të Biden për të reduktuar varësinë nga armët nukleare, por reflekton nevojën për forcimin e mbështetjes përballë kërcënimeve të Rusisë dhe ngjitjes së Kinës.
Gjatë fushatës elektorale të 2020-ës, Biden kishte shkruar në “Foreign Affairs” se besonte se “principi i vetëm i arsenalit nuklear” duhej të ishte ai i parandalimit të një sulmi nuklear. Biden ka dashur të limitojë rrethanat, në të cilat Shtetet e Bashkuara të Amerikës mund të marrin në konsideratë përdorimin e armëve bërthamore, duke përjashtuar mundësinë e përdorimit të tyre si një përgjigje ndaj sulmeve konvencionale, apo kërcënimeve jo nukleare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje