.png)
Gazeta Si – Lufta në Ukrainë ka mbërritur në ditën e 45 të saj. Ekipet e shpëtimit gjetën 132 trupa njerëzish të torturuar dhe vrarë në Makariv, në rajonin e Kievit. Ministria e Mbrojtjes e Ukrainës shkruan në një postim në Tëitter, duke e quajtur zbulimin “një krim të ri, monstruoz lufte”.
Ndërkohë, presidenti amerikan Joe Biden nënshkruan ligjin që ndalon importet e energjisë nga Rusia dhe një ligj që ndërpret marrëdhëniet normale tregtare me Moskën.
Dy masat, me të cilat Shtetet e Bashkuara vazhdojnë të rrisin presionin ndaj Rusisë në përgjigje të pushtimit të Ukrainës, u miratuan nga Dhoma e Përfaqësuesve dhe Senati.
Por për ambasadorin rus në Amerikë, furnizimi i Ukrainës me armë nga Perëndimi rrezikon të ndezë një konflikt SHBA-Rusi.
“Furnizimet e armëve dhe municioneve të Perëndimit për Ukrainën shkaktojnë “gjakderdhje të mëtejshme”, janë “të rrezikshme dhe provokuese” dhe mund të çojnë “Shtetet e Bashkuara dhe Federatën Ruse në rrugën e konfrontimit të drejtpërdrejtë ushtarak” tha në një intervistë për “Newsweek” rus ambasadori në Shtetet e Bashkuara, Anatoli Antonov.
Sipas tij, ajo që çoi në “operacionin special ushtarak” në Ukrainë ishte “mosgatishmëria e regjimit të Kievit për të ndaluar gjenocidin e rusëve” dhe për të zbatuar detyrimet e tij sipas traktateve ndërkombëtare.
Kjo është arsyeja e ambasadorit rus në SHBA, Anatoly Antonov për sulmin rus në Ukrainë. Diplomati rus, Anatoly Antonov , thotë se lufta i ka rrënjët në ngjarjet e vitit 2014, kur revolucioni Euromaidan rrëzoi qeverinë pro-ruse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje