.png)
Presidenti Biden njoftoi alokimin e 800 milionë dollarëve ndihmë shtesë për Ukrainën. Kjo e çon totalin në 1 miliard dollarë ndihmë të shpallur vetëm javën e fundit.
“Këto janë transferime të drejtpërdrejta të pajisjeve nga Departamenti ynë i Mbrojtjes tek ushtria ukrainase për t’i ndihmuar ata ndërsa luftojnë kundër këtij pushtimi. Falënderoj Kongresin për përvetësimin e këtyre fondeve”, tha Biden.
Presidenti i SHBA Joe Biden hapi fjalimin e tij këtë pasdite duke falënderuar presidentin ukrainas Volodimir Zelenskij për mesazhin e tij drejtuar Kongresit më herët sot(16 mars).
“E dëgjova në rezidencën private. Ai ishte bindës dhe ishte një fjalim domethënës. Ai flet për një popull që ka treguar guxim dhe forcë të jashtëzakonshme përballë agresionit brutal. Guximi dhe forca që janë frymëzuar jo vetëm ukrainasit, por e gjithë bota”, tha Biden në komentet nga Shtëpia e Bardhë.
Më tej, Biden tha se presidenti rus Vladimir Putin “po i shkakton Ukrainës një shkatërrim të tmerrshëm” me bombardimet e ndërtesave të banimit, reparteve të maternitetit dhe spitaleve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje