.png)
Revista e njohur amerikane ka vlerësuar gjimnasten që në Lojërat Olimpike të Tokios u tërhoq gjatë garave për probleme të mëdha të natyrës psikologjike.
Simone Biles është zgjedhur si sportistja më e mirë e vitit nga revista “Time”. Motivi i vlerësimit nga revista e njohur me seli në Manhatan është se Biles “me sytë e gjithë botës te drejtuar tek ajo, bëri hapin e jashtëzakonshëm, duke thënë : mjaft!”
Gjithçka i referohet Olimpiadës së Tokios, ku gjimnastja amerikane foli hapur për tërheqjen e saj nga disa gara, duke përmendur “demonët e brendshëm”, që konkretisht janë shqetësimet nga ankthi, apo “twiestis”, bllokime të papritura mendore, që e bënin të humbiste orientimin gjatë ushtrimeve. Biles në atë kohë tha se donte të përqendrohej te “shëndeti mendor dhe mirëqenia e saj”.
Gjimnastja amerikane ka denoncuar gjithashtu edhe dhunën seksuale nga doktori i kombëtares së gjimnastikës amerikane. Ajo dhe gjithë sportistet e tjera të përfshira në këtë histori, pas vendimit të fundit të gjykatës, duhet të dëmshpërblehen me shumën e 400 milionë dollarëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje