.png)
Sekretari i Shtetit të SHBA-ve, Antony Blinken, do të mbërrijë të martën (22 qershor) në Gjermani në një tur udhëtimi nga 22 në 29 qershor, që përfshin ndalesa në Berlin, Paris, Romë, Vatikan, Bari dhe Matera.
Të mërkurën, në 23 qershor, Blinken do të marrë pjesë në Konferencën e Dytë të Berlinit mbi Libinë në mbështetje të zgjedhjeve në dhjetor dhe tërheqjen e forcave të huaja, veçanërisht ruse dhe turke, nga vendi.
Në një konferencë shtypi një ditë më parë, i dërguari special i SHBA-ve për Libinë, Richard Norland, tha se po zhvillohen negociata me disa lojtarë kryesorë në përpjekje për të tërhequr një pjesë të forcave mercenare shumë përpara zgjedhjeve të dhjetorit, duke ngritur një forcë të policisë së unifikuar për t’i zëvendësuar ato.
Blinken do të takojë Angela Merkelin dhe Ministrin e Jashtëm gjerman, Heiko Maas në Berlin, për të nënvizuar rëndësinë e marrëdhënieve dypalëshe në adresimin e sfidave të përbashkëta.
Një nga temat do të jetë tubacioni rus “Nord Stream 2”: amerikanët hoqën disa sanksione, duke ditur se kishte shumë për të parandaluar ndërtimin e tij (tubacioni ishte 90% i plotë në kohën kur Biden u bë president), dhe në një përpjekje për të nxjerrë “diçka pozitive” prej saj në marrëdhëniet me Gjermaninë, “në vend që t’i dëmtojë ata”.
Sidoqoftë, administrata e SHBA-ve, do të nënvizojë besimin se ky është “një projekt gjeopolitik që minon sigurinë e Ukrainës dhe aleatëve të tjerë”.
Më 25 qershor në Paris, Blinken do të takojë presidentin Emmanuel Macron dhe Ministrin e Jashtëm Jean-Yves Le Drian dhe Sekretarin e Përgjithshëm të OECD Mathias Cormann.
Më 28 qershor në Romë, Blinken do të kryesojë me Luigi Di Maion, në një takim të Koalicionit Global kundër ISIS dhe më pas ai do të diskutojë mbi luftën në Siri. Është parashikuar edhe një takim me presidentin italian Sergio Mattarella.
Pastaj vizita në Vatikan, që pritet të jetë një nga aspektet kryesore. Çfarë mënyre do të ndjekë Blinken në krahasim me atë të paraardhësit të tij Pompeo, i cili ishte i ashpër në marrëveshjen midis Selisë së Shenjtë dhe Kinës.
Tri tema për Departamentin e Shtetit: të drejtat e njeriut, trafikimi i qenieve njerëzore, ndryshimi i klimës. Në fund, ndalesa në Bari dhe Matera: Blinken do të marrë pjesë në G20 të ministrave të Jashtëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje