.png)
Gazeta Si – Diçka e pazakontë ka ndodhur në Lojërat Mesdhetare me sportistët kuqezi. Boksieri Alban Beqiri është tërhequr nga ndeshja çerekfinale ndaj algjerianit Jugurtha Ait-Beka për shkak të gjykimit.
Ishte një ndeshje e rëndësishme, nga e cila fituesi do të siguronte medaljen në Lojërat Mesdhetare. Rregullorja është e tillë, që kalimi në gjysmëfinale të jep minimalisht medaljen e bronzit.
Ndeshja e Beqirit pati polemika të forta. Boksieri kuqezi dhe trajnerët e tij kanë pretenduar se arbitrimi ishte i njëanshëm, në favor të boksierit algjerian.
Arbitrat i dhanë fitoren boksierit vendës për dy raundet e para dhe në atë moment trajnerët Zef Gjoni dhe Renato Kurti vendosën që Beqiri të tërhiqej. Një vendim ky në shenjë proteste për padrejtësinë e arbitrimit.
Alban Beqiri fitoi ndeshjen e parë në Lojërat Mesdhetare ndaj një boksieri turk, por është ndalur në çerekfinale për shkak të këtij episodi. Boksieri shqiptar kishte shpresa të mëdha të merrte medalje në këtë aktivitet.
Shqipëria ka fituar deri tani dy medalje në Lojërat Mesdhetare. Të dyja në boks, një ari nga Abakarov dhe një bronzi nga Dudaev.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje