.png)
Gazeta Si – Pothuajse 48 orë pas shpalljes së Lulës si president, Jair Bolsonaro më në fund theu heshtjen e tij mbrëmë, duke lexuar një fjalim dy minutësh para gazetarëve.
Presidenti në largim nuk e përmendi Lulën dhe nuk e pranoi humbjen në zgjedhjet e së dielës (ai humbi 49.1% me 50.9%).
Përkundrazi, ai i arsyetoi protestat që po zhvillohen në vend, të shkaktuara sipas tij nga “një ndjenjë indinjate dhe padrejtësie për procesin zgjedhor”.
Megjithatë, ai dënoi postblloqet që paralizuan Brazilin, duke i ftuar mbështetësit e tij të demonstrojnë në mënyrë paqësore: “Unë i kuptoj protestat, por metodat tona nuk mund të jenë ato të së majtës, të cilat gjithmonë kanë dëmtuar popullsinë, si pushtimi i pronave, shkatërrimi i pasurive dhe kufizimi i së drejtës për të lëvizur”, tha kreu i së djathtës, duke falënderuar “52 milionë votuesit që më votuan”.
Pothuajse për të zbutur frikën, ai shtoi: “Si president dhe qytetar do të vazhdoj të përmbush të gjitha nenet e Kushtetutës”.
Menjëherë pas kësaj, stafi i tij njoftoi se me Lulën kishin autorizuar fillimin e kalimit të pushteteve.
Menjëherë më pas ai shkoi në selinë e Gjykatës së Lartë Federale, e cila në një shënim “nënvizon rëndësinë” që presidenti “në përcaktimin e fillimit të tranzicionit, njohu rezultatin përfundimtar të zgjedhjeve”.
Gjatë gjithë ditës, Brazili u paralizua nga mijëra kamionë që bllokuan dhjetëra autostrada, veçanërisht arteriet kryesore drejt aeroporteve dhe porteve ose që lidhin metropolet.
Edhe makinat e skuadrës së Ferrarit, e cila mbërriti në Sao Paulo për Çmimin e Madh të Formula 1, u bllokuan.
Faji i “bolsonaristëve”, të cilët prisnin një sinjal nga “kapiteni” Bolsonaro. Por ish-kapiteni i Marinës mbeti i bllokuar në dy pallatet e tij në Brazilia – Alvorada ku jeton dhe Planalto ku ka zyrat e tij – derisa, pas një takimi me disa ministra dhe gjeneralë, ai thirri shtypin.
Pasi rreziku i një grushti shteti është larguar, rreziku tani, nëse ka diçka, është ai i një lufte civile rrëshqitëse midis skajeve ekstreme të një populli të ndarë në dysh.
Nga njëra anë “bolsonaristët”, që përhapin lajme të rreme për komplote elektorale në rrjetet sociale; nga ana tjetër, militantët e Lëvizjes së Punëtorëve të pastrehë, të cilët dje u mobilizuan për të hequr barrikadat e “armiqve”.
Ndërkohë INjacio da Silva Lula hesht, edhe pse është i shqetësuar. Sekretari i përgjithshëm i Partisë së Punëtorëve, Paulo Teixeira, megjithatë akuzoi Bolsonaron se e mban vendin nën shantazh, duke shtuar se sjellja e tij konfirmon “mungesën e respektit për institucionet demokratike”.
Dje, në mungesë të asnjë veprimi të qeverisë, ishte radha e Gjykatës së Lartë të përpiqej të ndalonte protestat.
Gjykatësi Moraes, urdhëroi shefin e policisë rrugore – i cili e kishte ftuar Bolsonaron të votonte – që të evakuoheshin automjetet, përndryshe ai do të ishte shkarkuar.
Shumë kanë ende frikë se Bolsonaro dëshiron të imitojë “mësuesin e keq” Donald Trump, i cili rezistoi për javë të tëra para se t’i pranonte fitoren Bidenit, disa ditë pas marrjes së detyrës.
Analistët, megjithatë, përjashtojnë mundësinë e një grushti shteti. “Nuk ka mbështetjen e sektorëve më të rëndësishëm të sistemit politik dhe medias.
Dhe duket se nuk ka mbështetjen e ushtrisë”, thotë Claudio Coto, shkencëtar politik i Fondacionit Getulio Vagas.
Bolsonaro është i izoluar, do ta ndiqnin vetëm shoferët e kamionëve dhe disa politikanë radikalë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje