.png)
Britania e Madhe do të vendosë paketën “më të madhe dhe më të ashpër” të sanksioneve ekonomike që Rusia “ka parë ndonjëherë”, tha të enjten në mbrëmje, kryeministri i Britanisë së Madhe, Boris Johnson.
Kryeministri i Mbretërisë së Bashkuar i është drejtuar me nje fjalë Kuvendit ku tha se Mbretëria e Bashkuar do të bëjë “maksimumin” për të ofruar mbështetje për Ukrainën.
“The Guardian” shkruan se të gjitha bankat kryesore ruse do të përjashtohen nga sistemi financiar i Mbretërisë së Bashkuar dhe një ngrirje e plotë e aseteve po vendoset ndaj VBT, bankës së dytë më të madhe në Rusi.
Do të ketë kufizime në sasinë e parave që rusët mund të kenë në llogaritë bankare britanike, me ngrirje të aseteve të shtrira në rreth 100 persona të tjerë.
Linja ajrore Aeroflot do të ndalohet nga Britania e Madhe.
Brenda ditëve, Mbretëria e Bashkuar do të ndalojë eksportet e artikujve të teknologjisë së lartë dhe pajisjeve të rafinerisë së naftës, si dhe do të ndalojë kompanitë e mëdha ruse dhe shtetin të mbledhin financa ose të huazojnë para në tregjet e Mbretërisë së Bashkuar
“Masa të ngjashme do të vendosen në Bjellorusi”, shtoi Johnson.
Kryeministri britanik tha se Putin ishte “gjithmonë i vendosur për të sulmuar fqinjin e tij, pavarësisht se çfarë bënim”, duke shtuar:
“Putini do të qëndrojë i dënuar në sytë e botës dhe historisë”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje