.png)
Një e katërta e njerëzve në botë, nuk do të mund të vaksinohen deri në vitin 2022.
Sipas një studimi të revistës mjekësore “BMJ” më shumë se gjysma e të gjitha dozave të planifikuara, të vaksinave të koronavirusit, janë blerë nga vendet me të ardhura të larta, si Shtetet e Bashkuara, Japonia dhe Australia, që do të thotë se një e katërta e popullsisë së botës nuk do të mund të vaksinohen deri në vitin 2022.
Këto vende të pasura kanë porositur paraprakisht afër 7.5 miliardë doza vaksinash Covid-19, të mjaftueshme për të vaksinuar 3.76 miliardë njerëz. Nisur nga këto të dhëna, “Espresso” ka realizuar një karikaturë kur paraqet pritjen e vendeve të varfra për vaksinën.
Studiuesit parashikuan që 13 prodhuesit kryesorë të vaksinave që punojnë në vaksinat e koronavirusit kanë kapacitetin e mundshëm për të prodhuar afërsisht 6 miliardë vaksina deri në fund të vitit 2021.
“Pak më shumë se gjysma (51%) e këtyre dozave do të shkojnë në vendet me të ardhura të larta, të cilat përfaqësojnë 14% të popullsisë së botës. Vendet me të ardhura të ulëta dhe të mesme kanë pjesën e mbetur, pavarësisht se këto vende përbëjnë më shumë se 85% të popullsisë së botës”, shkruajnë ata në raportin e tyre.
“Edhe nëse të gjithë këta prodhues të vaksinave do të kishin sukses në arritjen e kapacitetit të tyre maksimal të prodhimit, të paktën një e pesta e popullsisë së botës nuk do të kishte qasje në vaksina, deri në vitin 2022.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje