.png)
Ndërsa shumica e të krishterëve në botën perëndimore i festuan Pashkët në fillim të prillit, të krishterët ortodoksë po mbajnë ceremonitë e Pashkëve këtë fundjavë.
Edhe pse autoritetet në të gjithë botën kanë kufizuar mbledhjen e turmave, dhjetëra qytetarë janë mbledhur mbrëmjen e së shtunën në kishat ortodokse të gjithë botën. Megjithatë, për vitin e dytë, Ringjallja e Krishtit u festua me masa të rrepta kufizuese, për shkak të pandemisë së koronavirusit.
Në një ceremoni vjetore, “Zjarri i Shenjtë” u shfaq në Kishën e Varrit të Shenjtë në Jeruzalem më 1 maj. Të krishterët ortodoksë besojnë se “Zjarri i Shenjtë” shfaqet në Pashkë në kishë si rezultat i një ndërhyrje Hyjnore dhe e konsiderojnë ngjarjen si të mrekullueshme.
Si pjesë e masave kundër Covid-19, autoritetet e Shtetit të Izraelit nuk lejuan që delegacionet nga kishat Ortodokse të huaja të vinin në Kishën e Varrit të Shenjtë për të marrë flakën.
Një delegacion nga Kisha Ortodokse Greke, Bullgare dhe Ruse ishte midis atyre që pritën në Aeroportin Ben-Gurion në Tel Aviv për të marrë flakën, për ta cuar në kryeqytetet e vendeve të tyre dhe prej andej për t’a shpërndarë në kisha në të gjithë vendin si pjesë e ceremonisë së Pashkëve.
Në Greqi, në kontrast me Pashkën e vitit të kaluar, kishat ishin të hapura, por ceremonia për “Ringjalljen e Krishtit” u mbajt më herët, në orën 21.00, në kishat e të gjithë vendin.
Kufizimet lejuan hyrjen e një numri të caktuar besimtarësh, si brenda ashtu edhe në oborrin e Kishvae.
Për të gjitha shërbimet e Pashkëve, u vendos që të zbatohej raporti i një personi për 25m2. Për më tepër, për të gjithë besimtarët ishte e detyruar të vendosnin dy maska brenda dhe jashtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje