.png)
Gazeta Si – Policia braziliane ka arrestuar një person me akuzën se kishte vendosur eksploziv në një kamion cisternë plot me karburant, i cili ndodhej pranë aeroportit të Brasilias.
Qëllimi i tij ishte krijimi i kaosit në vend përpara betimit të presidentit Luiz Inacio Lula da Silva të planifikuar për në 1 janar 2023.
Sipas raporteve të shtypit lokal, njeriu, emri i të cilit është George Ëashington de Oliveira Sousa, është një mbështetës i Jair Bolsonaro, presidenti i ekstremit të djathtë, i cili nuk e ka pranuar humbjen nga ish-presidenti progresiv.
Alarmi u ndez nga drejtuesi i kamionit që gjeti bombën përpara se Oliviera Sousa të arrinte ta shpërthente, duke lejuar kështu arrestimin e të akuzuarit për terrorizëm.
Kur u mor në pyetje nga policia, burri pranoi se bomba ishte pjesë e një plani për të “shpërthyer kaosin” dhe kështu “parandalimin e ardhjes së komunizmit në Brazil”.
Në konspiracion morën pjesë edhe mbështetës të tjerë të Bolsonaros, të cilët që nga dita e humbjes së presidentit të ekstremit të djathtë më 30 tetor, kanë protestuar përpara selisë së ushtrisë duke i kërkuar kësaj të fundit të ndërhyjë për të penguar rikthimin e Lulës në drejtimin e vendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje