.png)
Certifikohen medaljet e peshëngritësit shqiptar, Briken Calja, kampion bote në shkëputje dhe nënkampion në shtytje dhe dygarësh. Lajmin e ka dhënë vetë sportisti, i cili, me një postim në profiling e tij në Facebook, bën me dije se testet antidoping kanë dalë të pastra.
“Një lajm i mirë mbërriti këtë mëngjes: Testet antidoping dolën, duke treguar pastertinë dhe vërtetësinë e medaljeve historike të Botërorit të fundit. Jam jashtëzakonisht i lumtur, që medaljet e arit dhe të argjendit çertifikohen si të Shqipërisë, të shqiptarëve dhe personalisht të miat. Zyrtarisht Kampion Bote në shkëputje dhe nënkampion në shtytje dhe dygarësh”, – shkruan Calja në një postim të fundit, duke e ndarë gëzimin me të gjithë shqiptarët.
Shtangisti ka qenë i qetë gjatë kësaj kohe dhe i bindur për sportin e pastër që ushtron, por priste edhe vendimin zyrtar për konfirmimin e tri medaljeve që fitoi në Botërorin e fundit.
Më parë ka ndodhur që sportistë të shtangës në vendin tonë kanë fituar medalje, që më pas janë zhvlerësuar nga dalja pozitivë në testet antidoping.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje