.png)
Kryekomisioneri Ilirjan Celibashi tha përmes një deklarimi për mediat se nëse ka tërheqje kandidatësh për bashkitë në garë para se të shtypet fleta e votimit, atëherë ata nuk do të regjistrohen. Por nëse e ndodh e kundërta, që kandidatët të dorëhiqen pasi është printuar fleta e votimit, atëherë heqja e emrit nga fleta do të jetë e pamundur. Interesi për këtë qëndrim erdhi pas disa dorëheqjesh të fundit të kandidatëve të PD-së së Alibeajt, numri i të cilëve ka shkuar në 6 bashkë me kandidatin e Vorës që u regjistrua tej afateve ligjore.
“Nëse tërhiqen, nuk do të jenë pjesëmarrës në garë. Nuk konsiderohet që është fleta bosh. Do jetë dikush tjetër nga subjektet e tjera, nëse tërhiqet njëri prej kandidatëve. S’do jetë në fletën e votimit, do të mungojë.
Përjashto rastin nëse kjo do të ndodhë mbasi është miratuar dhe printuar fleta e votimit, që nga pikëpamja teknike do jenë aty se s’kemi çfarë bëjmë. Nëse tërhiqen në këtë moment, emri i tyre s’do jetë në fletën e votimit”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje