.png)
Ilirjan Celibashi rikthehet në krye të administrimit të zgjedhjeve pas 15 vitesh, kur ishte për herë të fundit, kryetar i KQZ-së. Celibashi ka qenë kryetar i KQZ-së për zgjedhjet e vitit 2001,2003 dhe 2005.Pas zgjedhjeve të përgjithshme të 23 qershorit 2013, Celibashi u zgjodh deputet i Qarkut të Fierit, për Partinë Socialiste, ndërsa mori edhe detyrën e Ministrit të Shtetit për Marrëdhëniet me Parlamentin
Për votimin e tij nuk pati asnjë surprizë, sa kohë që ai e futi emrin në garë (vetëm për këtë detyrë) ditën e fundit, pas qëndrimit refuzues të PD-LSI për kandidaturën e Ilir Rusmalit.
Si nënkomisionere e KQZ është zgjedhur Lealba Pelingu, (drejtuese e departamentit antikorrupsion në PD) ndërsa në detyrën e anëtarit të Komisionit Rregullator të Zgjedhjeve janë përzgjedhur me 107 vota pro emrat; Ilirjana Nano, Dritan Çaka, Arens Çela, Muharrem Çakaj
dhe Helga Vukaj (ish ministre e Financave në qeverinë teknike të 2017).
Për detyrën e anëtarit të Komisionit të Ankimimeve dhe Sanksioneve janë përzgjedhur me 105 vota pro emrat;
Ilirjan Rusmali, Elvin Lako, Koli Bele, Elvis Çefa (ish-nën kryetar i KLD) dhe Ledio Braho
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje