.png)
Charles III është shpallur Mbret nga Nëpunësi i Këshillit gjatë ceremonisë së Këshillit të Aderimit, e cila po zhvillohet aktualisht në Pallatin St. James të Londrës.
Deklarata nga Richard Tilbrook, nëpunës i Këshillit Privy, u pasua nga thirrja e audiencës “Zot ruaj Mbretin”. Ceremonia po transmetohet për herë të parë në histori.
Me zhvillimin e Këshillit të Aderimit, Princi i Uellsit ishte i pari që nënshkroi shpalljen, i ndjekur nga Queen Consort, Camilla. Mbreti i ri i Britanisë mbërriti për pjesën e dytë të ceremonisë dhe mbajti një fjalim në të cilin u zotua të ndiqte shembullin frymëzues të nënës së tij.
LEXO EDHE:
– Fjalimi i parë i Charles III si Mbret: Do të shërbej me besnikëri. William, Princi i Uellsit
– Nga bullizimi në shkollë te tragjedia e Dianës… dhe skandalet rreth mbretit të ri
– Paratë, flamujt, himni… Si do të ndryshojë tani Britania
Charles pranoi detyrat e tij si sovran.
Megjithatë, si kreu i shtetit, Charles, i cili ishte në krah të Elizabeth në momentet e saj të fundit do të ruajë disa kompetenca kushtetuese.
Cilat do të jenë kompetencat e tij?
Roli në Parlament
Parlamenti është autoriteti më i lartë legjislativ në Britani dhe përfshin Dhomën e Komunave, Dhomën e Lordëve dhe Kurorën – një tjetër term për monarkinë. Kurora është autoriteti më i vjetër i sistemit britanik të qeverisjes, por fuqitë e saj janë dobësuar me kalimin e kohës.
Emërimi në qeveri
Një ditë pas zgjedhjeve të përgjithshme, monarku do të thërrasë liderin e partisë që fitoi më shumë vende në Dhomën e Komunave për të marrë postin e kryeministrit dhe për të formuar një qeveri.
Fillimi i mandatit ose shpërndarja e parlamentit
Monarku e shpall parlamentin të hapur çdo vit në një ceremoni duke lexuar planet e qeverisë për 12 muajt e ardhshëm. Kjo ngjarje e madhe vjetore zakonisht fillon me mbërritjen e monarkut në Westminster, në procesion nga Pallati Buckingham. Mbreti ose mbretëresha, duke mbajtur kurorën perandorake, hyn në Dhomën e Lordëve. Zyrtari i parlamentit i njohur si “Black Rod” shkon më pas në Dhomën e Komunave, ku i përplasin në mënyrë simbolike derën në fytyrë, në shenjë pavarësie nga monarkia. Kurora shpërndan parlamentin me të njëjtin solemnitet përpara mbajtjes së zgjedhjeve të reja parlamentare.
Miratimi nga mbreti
Kur një projekt-ligj miratohet nga Dhoma e Komunave dhe Dhoma e Lordëve, ai i dërgohet monarkut për t’u nënshkruar. Edhe pse mbreti mund të refuzojë të miratojë një projekt-ligj, në të vërtetë është thjesht një formalitet. Monarku i fundit që refuzoi të jepte pëlqimin e saj ishte Mbretëresha Anne, në 1708.
Besimi tek kryeministri
Mbretëresha Elizabeth II priste kryeministrat një herë në javë, në një audiencë gjatë së cilës ata e informuan atë për planet dhe shqetësimet e tyre. Ky takim u mbajt gjithnjë e më shumë me telekonferencë në fund të mbretërimit të saj.
“Ata më tregojnë se çfarë po ndodh ose nëse kanë probleme dhe ndonjëherë mund t’i ndihmoj në një mënyrë ose në një tjetër”, tha mbretëresha e ndjerë në një dokumentar të transmetuar në vitin 1992.
Pozicionet
Monarku ka fuqinë të emërojë Lordët në parlament, por ky pushtet ushtrohet vetëm me këshillën e ministrave të qeverisë. Mbreti gjithashtu i jep personalisht titullin kalorës, duke nderuar ata që kanë dhënë një kontribut të rëndësishëm në shoqërinë britanike, në të gjitha fushat. Qeveria i paraqet monarkut çdo vit një listë të kandidatëve për miratim për ndere publike.
Krizat kushtetuese
Monarku ka fuqinë për të ushtruar prerogativat e tij mbretërore “në rast të krizës serioze kushtetuese” atëherë ai ka fuqinë të mos bie dakord me mendimin e ministrave, por kjo nuk ka ndodhur kurrë në kohët moderne.
Kreu i Kishës Anglikane
Si kreu i Kishës së Anglisë, mbreti ka fuqinë të emërojë peshkopë dhe kryepeshkopë, por edhe ky pushtet ushtrohet sipas mendimit të një komiteti kishtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje