.png)
Rritet tensioni sërish në SHBA, ku në Çikago policia ka publikuar një video, në të cilën një oficer qëlloi 13-vjeçarin, Adam Toledo, duke e lënë të vdekur në vend.
Në video, e cila zgjat disa sekonda, polici shihet duke ndjekur djalin në një rrugicë periferike. Ai e urdhëron atë të ndalet dhe të hedhë poshtë armën e zjarrit që dyshohet se ai mbante në dorë.
Por sapo i mituri ka ngritur duart lart, është qëlluar me një plumb në gjoks, duke ndërruar jetë, pavarësisht ndihmës së parë që iu dha nga mjekët.
Ishte vetë policia që publikoi pamjet e kamerave të trupit të agjentit i cili qëlloi. Incidenti ndodhi më 29 mars, thuajse para dy javësh. Sipas asaj që shihet në pamje, djali nuk duket se mban një armë, pasi është urdhëruar të ndalet dhe ngre duart.
Por në pjesën tjetër të imazheve, duket një pistoletë afër vendit ku djali u qëllua. Pas shpërndarjes së videos, rreth Çikagos nisën disa protesta të vogla në zona të ndryshme.
Kryetari i bashkisë së qytetit, Lori Lightfoot, duke e quajtur videon “mizore dhe pikëlluese” bëri thirrje për qetësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje