.png)
Disa nga futbollistët e Kombëtares kanë ndërruar skuadër ditët e fundit. Sulmuesi Sokol Cikalleshi është kthyer në elitën e futbollit turk, ku ka firmosur për dy vjet me ish-skuadrën e tij, Koniasporin. Futbollisti kavajas ka qenë pjesë e Akhisarsporit sezonin e fundit, por ky ekip mbeti në ligën e dytë dhe sulmuesi 30-vjeçar ka bërë këtë lëvizje.
Pak ditë më parë në Turqi ka firmosur edhe sulmuesi tjetër i Kombëtares, Armando Sadiku. Ai ka lënë Spanjën dhe ka firmosur për ekipin e Erzurumsporit, që këtë sezon do të jetë pjesë e Superligës në Turqi, kështu që do të kemi një derbi mes dy sulmuesve kuqezinj.
Lëvizje edhe në Zvicër, ku Ermir Lenjani është kthyer pas shumë vitesh te Grasshopersi, skuadra që qe bëri të njohur mëngjarashin e Kombëtares që mungoi në dy ndeshjet e fundit. Taulant Xhaka ka rinovuar kontratën me Bazelin edhe për katër vitet e ardhshme, që do të thotë se mesfushori do ta mbyllë karrierën me këtë klub, ku ka luajtur gjithë kohën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje