.png)
Një nga momentet më emocionuese të një Olimpiade është pa dyshim ai i podit. Mes himneve kombëtare, medaljeve dhe luleve janë buzëqeshjet dhe lotët e sportistëve që kujtojnë se sa special është ky moment. Në “Tokyo 2021” shumë nga këto emocione mbetën të fshehura pas maskës, që sportistët ishin të detyruar të mbanin në pod. Në “Pekin 2022” nuk do të jetë kështu.
Komiteti Olimpik Ndërkombëtar (CIO) ka dhënë miratimin, sportistët në Olimpiadën dimërore të Kinës nuk janë të detyruar ta mbajnë maskën në pod, gjatë cerimonisë së dhënies së medaljeve. Vendimi është komunikuar me anë të një njoftimi zyrtar nga CIO, në dakordësi me organizatorët e eventit.
Liria për të mos mbajtur maskë në pod është përjashtimi i vetëm në Olimpiadën dimërore, pasi ka një sistem të “blinduar” masash anti-Covid. Protokolli është shumë i ashpër, me qëllimin për të pasur sa më shumë siguri në zhvillimin normal të Lojërave.
Për të evituar rrezikun e infektimit, garat do të zhvillohen pa praninë e publikut, ndërsa sportistët, që për asnjë arsye nuk duhet të dalin nga vendi i grumbullimit, do të testohen çdo ditë, edhe pse janë të vaksinuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje