.png)
“Ukraina duhet të rezistojë dhe të fitojë” luftën kundër pushtuesit rus. Kështu deklaroi presidenti francez, Emmanuel Macron, në fund të një vizite të shkurtër në Irpin, një periferi e kryeqytetit ukrainas të goditur rëndë në javët e para të pushtimit rus.
“Franca ka qenë në anën e Ukrainës që nga dita e parë” e konfliktit, nënvizoi Macron më vonë, i akuzuar për paqartësi për deklaratën e tij.
Ndërkohe, CNN raporton se Franca do të donte që Ukraina të rimarrë kontrollin e Krimesë si pjesë e fitores ushtarake kundër Rusisë: u tha një burim diplomatik francez gazetarëve që udhëtuan me delegacionin francez me rastin e vizitës së Mario Draghit, Olaf Scholz dhe Emmanuel Macron në Kiev.
“Ne jemi për një fitore integrale me rivendosjen e integritetit territorial në të gjitha territoret e pushtuara nga rusët, përfshirë Krimenë”, tha zyrtari francez, duke iu referuar gadishullit në Detin e Zi që Rusia aneksoi me forcë në vitin 2014, raporton CNN.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje