.png)
Gazeta Si – “Objektet e huaja” (ato erdhën nga jashtë) sollën pandeminë në Korenë e Veriut”.
Është ky versioni i ri i regjimit komunist, i cili në maj duhej të pranonte përhapjen e Covid-19, me shifra të tmerrshme për sa i përket infeksioneve (mbi 4 milionë) dhe tepër të ulët për vdekshmërinë: vetëm 71 vdekje.
Kim Jong-un u kundërshtua me paaftësinë e hierarkëve të shëndetit dhe sigurisë.
Tani del në dritë versioni i ri: Covid-19 ka mbërritur me balona të dërguara nga Koreja e Jugut, duke fluturuar përgjatë kufirin me Veriut afër paraleles 38.
“Rodong Sinmun”, një gazetë e regjimit verior, shkruan se hetimi ka përcaktuar sesi infeksioni në Phenian u soll nga disa banorë të Ipho-ri, një qytet në kufirin mes dy Koreve.
Këta njerëz fillimisht do të kishin prekur ose marrë “objektet e huaja” që gjenden në balonat e dërguara për qëllime propagande nga aktivistët në Jug.
Ajo e balonave të lëshuara drejt veriut është një histori e vjetër: ato përmbajnë fletëpalosje kundër dinastisë Kim dhe USB për të parë programe perëndimore.
Dhe sipas Phenianit, ngarkesat e fundit do të kishin përmbajtur edhe koronavirusin e tmerrshëm që jep Covid-19.
Shkencërisht duket praktikisht e pamundur që infeksioni të udhëtonte në një tullumbace.
Ekspertët besojnë se ka më shumë gjasa që infeksionet të kenë kaluar përgjatë kufirit me Kinën, ku ka një fluks të vazhdueshëm kontrabande.
Por Kim-it i pëlqen më shumë versioni i “alienit jugor”, sepse fajëson qeverinë e Seulit dhe të mërguarit që organizojnë kërcimet me balona.
Kushdo që vëren një objekt të çuditshëm udhëzohet ta raportojë atë menjëherë, në mënyrë që të mund të hiqet me shpejtësi nga një ekip urgjent kundër epidemisë.
Kufiri i mbyllur midis Koreve është një nga më të sigurtët në botë, por dezertorët dhe aktivistët e Koresë së Jugut prej vitesh kanë hedhur tullumbace me mesazhe kundër Koresë së Veriut.
Që nga fundi i prillit, Koreja e Veriut po lufton me një valë shpërthyese me 4.7 milionë rastesh me Covid-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje