.png)
Kryeministri në detyrë i Kosovës, Albin Kurti, nga sot është vetizoluar në banesën e tij.
Lajmin e ka bërë me dije vetë Kurti nëpërmjet një postimi në rrjetet sociale.
Kurti thotë se ka vendosur të vetizolohet, pasi ka pasur kontakte me një zyrtar të Ministrisë së Integrimeve Europiane, i cili ka pasur kontakt të ngushtë me një nga personat e dalë pozitivë në testin për COVID-19.
“Sot është dita e parë kur nuk do të dal në punë në kryeministri (ZKM). Një zyrtar i Ministrisë së Integrimeve Evropiane (MIE) ka pasur kontakt të ngushtë me një nga personat e dalë pozitivë në testin për COVID-19. Janë marrë mostrat dhe po presim rezultatin”, ka njoftuar Kurti përmes rrjetit social “Facebook”.
Kurti thotë se derisa të dalin rezultatet e testimit do të qëndrojë në vetizolim.
“Unë kam pasur kontakt me të, sikurse edhe me punonjës të tjerë në MIE e në ZKM, ndonëse gjithnjë duke respektuar rregullat për distancën fizike. Nga sot jam në vetizolim në banesë gjersa të dalin rezultatet e testimit për zyrtarin nga MIE”, thotë Kurti.
Por pavarësisht izolimit, Kurti shkruan se do t’i kryejë detyrat nga largësia me përkushtimin e njëjtë dhe se do t’i marrë vendimet e duhura me përgjegjësinë e njëjtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje