.png)
Rusia është në mes të një vale të re pandemike. Për pesë ditë rresht, vendi që drejtohet nga Vladimir Putin, regjistroi mbi 25,000 raste të reja në 24 orë.
Këtë të enjte, Moska njoftoi kulmin e ri – 27.550 infeksione – dhe një rekord të ri të vdekjeve: pas javëve të përditësuara të numrit të lartë, për dy ditë me radhë pragu i 900 viktimave në 24 orë u tejkalua: shifra e fundit është 924, pas ditëve të mëparshme alarmuese, 929 dhe 895viktima.
Ndërsa virusi përhapet, Moska ngurron të ndërmarrë veprime dhe të vendosë kufizime pavarësisht shkallës së ulët të vaksinimit: vetëm 33 përqind e popullsisë ka pasur të paktën një dozë “Sputnik” ose ilaçe të tjera të prodhuara në vend, dhe 29 përqind kanë përfunduar ciklin.
Duket një paradoks, duke pasur parasysh që Rusia ishte vendi i parë që regjistroi një vaksinë kundër Covid: ata e shitën atë në gjysmën e botës, u pranua nga OBSH e pritet edhe nga EMA, por udhëheqësit rusë nuk janë në gjendje për të bindur bashkëqytetarët e tyre që t’i nënshtrohen injeksioneve kundër virusit.
Problemi është se njerëzit nuk u besojnë vaksinave dhe nuk u besojnë autoriteteve që lavdërojnë prodhimin e tyre. Është një qëndrim që vjen nga larg, të paktën nga epoka sovjetike, kur gjërat e njohura nga çdo fqinj ishin më të vërteta sesa ato të komunikuara nga partia ose shteti.
Ky i fundit hedh poshtë idenë e vendosjes së bllokimeve ose masave të tjera, duke deleguar autoritetet rajonale për të ndërhyrë, por duke i dekurajuar ata që ta bëjnë këtë. Për ata që e pyetën nëse Moska do të ofrojë mbështetje për rajonet që do të imponojnë bllokimin, zëdhënësi i Kremlinit, u përgjigj se “mbylljet janë një skenar i padëshirueshëm për çdo rajon”.
Rezultati është se sot, pothuajse nuk ka kufizime në Rusi. Vetëm disa rajone më pak të rëndësishme kanë futur detyrimin e “green pass”-it për të hyrë në vendet publike.
Por në pjesën tjetër të vendit, duke filluar me kryeqytetin, të gjithë janë të lirë të bëjnë atë që duan, pa pasur nevojë t’i tregojnë asgjë askujt.
Kështu, në kontrast me atë që po ndodh në pjesën tjetër të Evropës, në të gjitha rajonet e vendit të pamatë, vazhdojnë infektimet dhe fatalitetet.
Rusia, tashmë ka numrin më të lartë të vdekjeve nga Covid në Evropë: mbi 212,000 sipas të dhënave, por mund të jenë më shumë.
Bazuar në krahasimin e statistikave me vitet e mëparshme, ka pasur një tejkalim të 665,000 vdekjeve në Rusi që nga fillimi i pandemisë.
Fakti është se autoritetet regjistrojnë virusin si një rast vdekjeje vetëm kur pacienti nuk preket nga shkaqe të tjera, si një sulm në zemër ose probleme me frymëmarrjen.
Sipas disa statistikave, të paktën gjysma e këtyre vdekjeve shtesë janë për shkak të Covid. Që do të thotë një total prej 361 mijë raste dhe jo 212 mijë.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje