.png)
Një surprizë e pakëndëshme për gati 20 milionë banorë të Delhit në Indi, të cilët janë zgjuar të zhytur, për herë të parë këtë vit, në një re smogu me ajër të ndotur. Ky fenomen u paralajmërua nga erërat e ditëve të fundit.
Cilësia e ajrit është aq e keqe sa ka ngritur alarmin për shëndetin, pasi e ka kaluar nivelin e përcaktuar si “të fundit” nga Organizata Botërore e Shëndetit, të paktën 15 herë.
Një situatë e tillë përsëritet çdo vit në ajrin e Delhit në fillim të dimrit për një sërë faktorësh, që kanë në bazë të tyre presionin e ulët dhe mungesën e erës për të larguar tymrat që prodhojnë fabrikat, industria dhe trafiku.
Që para pandemisë së Covid-19, shumë banorë të këtij qyteti kanë mbajtur maskë filtruese për t’u mbrojtur nga helmet në ajër.
Gjendja është e destinuar të përkeqësohet ditët e ardhshme, nëse do të festohet festa e dritave në Dehli. Para se administratat e shumë qyteteve më të mëdha ta ndalonin këtë gjë, mijëra fishkezjarre shpërthenin, duke e bërë ajrin të pakonsumueshëm ditët më pas.
Gopal Rai, ministri i Ambientit, ka bërë një apel: “Le t’i lëmë njerëzit të marrin frymë, vlen jeta e të gjithëve. Diwali është dita e qirinjve me vaj, jo e substancave kimike”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje